کوتیساری

کوتیساری مأنی Kotisaari فنلاندی زوأنٚ میأن بِه «جزیره خانگی». «کلیسایٚ خانگی» مأنستَن و هطؤیم ایتأ جزیره‌یٚ خانگیٚم ایسٚه. اونٚ خانگی بؤئؤن خٚیلی مهم ایسٚه و اِرزِه ولی هر جور بٚبه ایتأ جزیره ایسٚه. جزیره حتأ اَگه «اروپا اتحادیه مرکزٚ» میأنٚم بٚمأنٚه بأز دورَه.

من و می خأنوأر، ای عیده جٚه می پئرٚ زأکأنٚ مأنستٚن اَمی ماموریت اَن بو کی او جزیریان و اوشأنی کی جزیریانٚ میأن زٚندیگی کوددٚ گب زِئن اَمی نصیب بٚبه کی اوشأنَ بیگیم. بلکی اونٚ دلیل اَن ایسٚه کی «جزیره آدمأن» و «جزیره کلیسایان» اَ زمأتأنٚ میأن هر تأ روز ویشترَ بٚده.

«اَی جزیریأن و اَی شومأن کی او کشورأنٚ میأن کی دور ایسٚه زٚندیگی کونیدی، بشتأوید. پیشتر جٚه اَنکی بودونیأ بأیٚم خوداوند مٚرَه اینتخأب بوکوده و او زمأت کی می مأرٚ رَحِمَ دورون ایسأبوم می نأمٚ اَمرأ مٚرَه دوخأد.» (اشعیا کیتأب فصل 49 آیه 1)

رأ خٚیلی دور بو، چونکی ایتأ شهر ورجأ نٚهأ بو کی فنلاندٚ شومألٚ میأن نٚهأ بو و اونٚ نأم رووانیمی لاپلاند بو کی او کیمی و اوناس روخانان، تورینو شوألٚ شرقی دورون کی قطبٚ شومألٚ سأمأنٚ میأن نٚهأ بو. من و می زٚنأنٚه فنلاندی مثلأنٚ  Finnish Idioms کیتأبٚ میأن اونٚ بٚخصوصٚ کلمه‌یأنَ بینیویشتیم، اون ایتأ جامعه شنأسٚ نیگأ اَمرأ و منم ایتأ زوأن شنأس و فلسفه‌ نیگأ اَمرأ، او جزیره بؤئؤنٚ و  او جزیره ترسٚ واژگأن و هطؤیم او یخ زئنٚ پأنأ و او کوتیساری جزیره زٚندیگی کودٚنأنَ انجأم بٚدأییم کی البأقئن بٚدأندکی جزیره بوئون قفقازٚ کویأنٚ میأن یا آمریکا تگزاسٚ دورون یأ گیلانٚ وسط یأ لرستأنٚ کوهأنٚ جؤر یا حتأ ایتأ پیله کلیسا شورأ و حتأ کلیسایٚ کاریزماتیکٚ میأنٚم تأنٚه پیش بأیٚه.

آلمأنٚ ارتشٚ نازی او دویُمی جنگٚ جهانی او آخری زمأتأنٚ دورون او زمأت کی پسأ پسأ وأگردستأندوبو، فنلاندٚ اَ کوجه‌دأنه ترین جزیره  و رووانیمی شهرَ فوگوردأنِه. خوداوند جزیره‌یَ اَطؤ وأگو کونِه و گِه: «تی سامأن دریأ وسط نٚهأ» (حزقیالٚ کیتأب فصل 4 آیه 27)

او انرژی پاکٚ نقلٚ انتقأل دئنٚ رِه اروپا او کوجه‌دأنه جزیریأنٚ فدراسیون/باشگاه

European Small Islands Federation: ESIN

و اروپا اداره کل انرژی کمیسیون، ایتأ دستورٚ کأر فٚدأ او تأزه جزیریأنَ کی آدم اونٚ دورونی زٚندیگی کودی کی ویشتر جزیره ماهیت و مأنی‌یَ وأگویأ کودی.

«او سرزیمین کی آبٚ شورٚ اَمرأ دورأ بوسته بو کی اونٚ اصلی جِمئیت کی اویٚه سأمأن دأشتٚد حداقل بیست نفر بود کی اونٚ دوچوکستنٚ ایتأ دِه سرزیمینٚ اَمرأ رأدوأرو، برقٚ سیم یأ هر تأ دِه زیرسأختٚ اَمرأ بو.»

«ایتأ زیمین بو کی آب اَمرأ دورَ بوسته و قاره جَا کوجه‌دأنه‌تر ایسٚه و هطؤیم هرتأ جأجیگأ کی ایزوله جأیگأ میأن قرأر بیگیره و یأ اونَ احاطه بوکونٚه و هطؤیم مردوم و قومأنٚ شنأختنٚ رِه ایتأ گوشه کنأرٚ میأن بِئیسه جزیره گٚده.»

اَطؤیی بفأمستٚم تومأمٚ اوشأنی کی ایتأ زوأنی، تجاری و اقتصادی ایرتباط خو همسأده‌یأنٚ اَمرأ نأردٚه جزیرِیده.

موقدسٚ کیتأبٚ جَا بأمؤختم تشتت زوأن و فوگوردستنٚ برجٚ بابلٚ پٚسی، ایتأ سری قومأن، جزیره بوبوستٚد کی هرتأ طایفه جٚه اوشأن خوشأنٚ زوأنٚ اَمرأ کی هرتأ قومٚ میأن نٚهأ بو گب زئید. (پیدایش کیتأب فصل 10 آیه 5)

اوشأن او «آبانٚ شورٚ ترسٚ» میأن گیر دکفتٚد و خوشأنٚ جزیره میأن کی دریا وسط نٚهأ بو بٚمأنستدٚه. جوروأجورٚ هیزاره ورژنأن و دو هیزأره پسأ، اوشأنٚ ترسٚ جَا بوجود بأمؤ. زأهله کودن جٚه کرونا، کرونا واکسن، نتأجأنَ کوشتن، تهدیدأن، همسأدیأن، فقر و بیچأرگی، جنگ، بوکوشته بوستن، البأقئنٚ شؤئؤن اَمؤنأن، زأهله کودن جٚه او تأزه فیکرأن کلیسایانٚ دورون، زٚندیگی جَا ترسئن، البأقئنٚ زوأنأنٚ جَا و اوشأنٚ پیله بوستنٚ جَا ترسئن، جٚه گول و مِیوه، باغٚ دورون ترسئن و هیزأرتأ ترس جٚه هیزأرتأ دِه چی.

اوشأن وأخبدأر بود و خودشأن خأستید او رختأنَ دوکونٚد کی ایمنی شین بو و خودشأنَ ایزوله و قرنطینه بوکودٚد. زأهله کودٚد ایتأ عقلانی ارزش «های‌لول» The rational value of high-level اَمرأ عوض دکش بوبوستٚد و مدرسیأنٚ میأن بأمؤختٚد و آسمأنأن و زیمینٚ رو زأهله کودنٚ رِه مأنورأن رأ تأوأدٚد. ای عیدّه جٚه او دونیأ بولندٚ کوهأنٚ جؤر اوشأن زٚندیگی کودنٚ رِه شهرأن چأکودٚد. من و می خأنوأرَ آدم نفرأن اوشأنٚ اَمرأ رو در رو بوبوستیم و اوشأنٚ اَمرأ زٚندیگی بوکودیم.

او جزیره زوأنٚ اَمرأ گب زئن، اونٚ رمز ورود بو. ولی او جزیره بودورون شؤئؤنٚ پٚسی او میهمأنأنَ بوگفتٚد: چونکی جزیره ژن شیمی خونٚ میأن نٚنأ پس وأستی هرتأ روز دومرتوه وأکسن بزنید و هرتأ صُب تست فدید چونکی اَمأن شیمی جَا کی ایتأ دِه زوأنٚ اَمرأ گب زنیدی ترسیم.

او جزیره جَا پرأ گیفتن و بوجؤر شؤئؤنٚ نیشأنه «البأقئنٚ زوأنأنٚ اَمرأ گب زئن» ایسٚه و اَشأن پرأ گیفتن و پرنده جَا ترسده. من جر و بحثٚ اَمرأ سایتٚ «پاسخهای زٚندیگی» میأن «زوأنأنٚ پرأ گیفتنَ» بینیویشتم ولی «جزیره شورا» زأهله بوکوده واونَ پأکَ کود ولی کم نأوردم و آخر پٚسی می ماموریت هن بو کی هه زوأنٚ شنأختن و هطؤیم گب زئن جوروأجورٚ زوأنأنٚ اَمرأ  و اوشأنٚ فأمستَن جٚه گیلکی و عبری بیگیفته تأ یونأنی و لری. آسمأن و زیمینٚ زوأنٚم بأمؤختٚم کی بٚدأنٚم و اَسٚه آسمأنٚ دورونٚم می مأری زوأن، گیلکی اَمرأ گب زنم و آسمأنٚ میأن گیلکی زوأنشنأسی‌یَ رأ تأوأدأم، او روزأن کی حقٚ سعی زئید کی ایتأ زوأن و ایتأ رخت اونٚ رِه چأکونٚد او جزیره میأن ایتأ کلیسا آموزشگأ و دانشگا دورون ٚ ایتأ کشیشٚ پیشنهأد اَمرأ کی چنتأ زوأن دأشتی ایتأ کأرگأ گب زئن و دوروست گب زئنٚ رِه کی خٚیلی مونأسب بو ادأره بوکودم، ای عیدّه بأمؤختٚد و ای عیدّه برزخَ بوستٚد و اَمٚرَه بوگفتٚد: ماسک بٚزنید.

جزیریأن جٚه قدیمی عهد تأ ایمرو گوشه‌گیر بود و ای عیدّه اوشأنَ «شهری سأحیل کنأره‌یأن» ترجومه بوکودٚد ولی هرتأ جزیره هرتأ ایرتبأطی خطٚ اَمرأیٚم جزیره ایسٚه. خوداوند او جزیریأن کی گوشه گیر بودَ ایتأ گردٚ خأکٚ مأنستَن هوا جؤر پخشأ پلأ بوکودٚه و «خوشألٚ جزایرٚ اومیدوأرَ» کی اونٚ بأزو رأفأ ایسأ کی ایقتدأر دأرِه پرأ دِهِه. من فأندرستٚم کی اومید هرتأ جزیره جَا ایتأ پیله قأره و درندشتٚ دونیأ چأکونٚه.

«تومأمٚ دونیأ قومأن خوداونٚ ورجأ ایتأ آب قطره مأنستَن ایسٚد آبٚ بدره میأن و ایتأ گرد و خأک ترازو میأن ایسٚد. و جزیره‌یَ هچین گرد و خأکٚ مأنستَن بره هوأ جؤر.» (اشعیا کیتأب فصل 40 آیه 15)

«جزیریأن وسأحیل کنأره سرزیمینأن می رأفأ ایسأده و اوشأن می بأزو رِه رأفأ ایسأده. (اشعیا کیتأب فصل 51 آیه 5)

هطؤیه رأس‌رأسِی او اومیدوأر جیزیریأن کی رأفأ ایسأده، تأنده تأ خوشأنٚ اَبدی لأنه پرأ گیرد و جٚه آسمأن بٚوأرٚد جنگلٚ دأرأنٚ رو، آفتأبٚ ور بٚشد و سنگأن دورون روخأنأن رأ تأودٚد.

نویسنده: صادق نیک‌پور

بیست و دوم نوامبر 2021

مترجم: حبیب

Kotisaari

Kotisaari on saari Kemijoessa Rovaniemellä. Se sijaitsee kymmenen minuutin venematkan päässä kaupungin keskustasta

https://fi.wikipedia.org/wiki/Kotisaari

https://europeansmallislands.com/2018/01/05/new-island-definition/

https://www.visitrovaniemi.fi/eat-and-drink/kotisaari-island/

https://dronedj.com/2018/04/16/the-four-seasons-of-kotisaari-island-captured-with-a-drone/

کتاب finnish idioms

کتاب finnish idioms نوشته صادق نیک‌پور و مژگان دستفال لیستی از ضرب‌المثل‌ها و اصطلاحات زبان‌ فنلاندی است که هم‌ارز‌های مستقیم آن در زبان انگلیسی نیز آمده است. این کتاب، به صورت دو زبانه انگلیسی، فنلاندی است.

This book is a list of idioms in the Finnish language. Proverbs and idioms with direct equivalents in the English language are typically excluded. The Finnish Idioms is inclusive selected of Finnish idioms & Finnish proverbs, That high usage In dialog and paper work. The Finnish Idioms do not cover the entire alphabet officially recognised in the Finnish language. The letters B, C, D, F, G, Q, W, X, Z and Å are omitted because they do not occur in native Finnish words. Proverbs from all Finnish speaking parts of the world

دانلود قانونی کتاب finnish idioms

https://www.ketabrah.ir/%DA%A9%D8%AA%D8%A7%D8%A8-finnish-idioms/book/32821