خوداوند عیسای مسیحٚ درود و آشتی شومأن فرهیخته گیلک زوأنأنٚ رو بٚبه.

اَ آیه پأکأرٚ سر، اَمأن ایتأ گیلکی زوأنٚ گروه ایسیم و اَ بأورَ دأریم کی هرتأ تسکٚ دیل و غلطٚ بأورٚ دورَ بوستنٚ جَا اَمی کردٚکأرٚ اَمرأ او رأس‌رأسِی خودایَ اَمی هم زوأنأنَ نیشأن بدیم.

 جٚه اَ رأ، اَمی اولی قدم، جدیدٚ عهد، مزأمیر و ایتأ پیله نیمه عتیق عهدم ایجور دورست وأگردأن کودن بو کی خٚیلی اَرزش دأره، کی اونٚ خأندنٚ رِه اپلیکیشن YouVersion میأن تأ هسأ ۵۰ تأ کیتأب بأورده و اونٚ ایشتأوستنٚ ره‌یٚم «چٚشمه» برنأمه میأن ایتأ خورومٚ گیلأنی آهنگ و گیلکی هنرمندأنٚ آوأ اَمرأ چأکوده بوبوسته.

تومأمٚ اَشأن «ترانسفورم ایرانٚ» سازمأن و ۲۲۲ شورا پوشتیبأنی اَمرأ و ایتأ گروه جٚه گیلک زوأنأنٚ ترجومه اَمرأ انجأم بوبوسته.

اَشأنٚ اَمرأ، فوریه ۲۰۲۵ سالٚ سرگیفتنٚ جَا، گیلکی زوأنٚ کیلیسا، بَنأ بوکوده جوروأجورٚ موضوعأنٚ میأن کأر کودن، کی اَشأن ایسٚد؛ گیلأنٚ شنأسأنِن، بومی خوردنیأن، آیه‌یأن و مزامیرٚ خأندن، نیأیشأن، سرودأن و پادکستأن و هطؤیم دِئِن و ایشتأوستنٚ رِه موضوعأنٚ جَمَ کودن، «اینستأگرأم» و «تلگرأمٚ» میأن و تومأمٚ اَشأن ایجور پیله‌تر و سروسأمأن بیگیفته، کیلیسا وبسایتٚ میأن بأرگوزاری بِه.

هطؤیم، وأستی خأطر اَوردن کی هسأ، گیلکی زوأنٚ کیلیسا، دوشنبه روزأن هرتأ هفته میأن، اروپأ زمأتٚ رِه کی بِه ساعت ۱۸، کیلیسای جامعٚ میأن کس‌کسَ دئنٚ خیمه دورون، گیلکی زوأنٚ اَمرأ ایتأ ایسأعتٚه نیشتن، نیایش و سٚتأیٚشٚ رِه نِهِه.

شومأنم تأنیدی جٚه کیلیسای جامعٚ لینکٚ اَمرأ اونَ دوچوکید.

پس بأئید ایتأ دیل و ایتأ صدأ اَمرأ حق و سعی بزنیم اَ خورومٚ خَورَ اَمی گیلکٚ هم زوأنأنَ فأرسأنیم و همیشکٚ مأنستَن، البأقی تبارأنٚ رِه ایتأ روشنٚ الگو بیبیم.

خوداوند عیسای مسیحٚ فیض و سلامتی، شیمی اَمرأ بٚبه.

شیمی خأدمین

گیلکی زوأنأنٚ کیلیسای جامعٚ میأن